Kur përmendim fjalën Olaplex në mendje na vijnë trajtimet e shtrenjta të flokëve, kryesisht për bionde. Por, një prej produkteve të kësaj marke ndërkombëtare, maska me numrin 3 (Hair Perfector) pritet të ndalohet në Mbretërinë e Bashkuar. Kjo për shkak se përmban një përbërës që shkakton infertilitet. BuBustle.com shkruan se bëhet fjalë për butilfenil metilpropional (i referuar gjithashtu si lilial) që është klasifikuar si një substancë ‘reprotoksike’ në vitin 2020.
Sipas Institutit të Sindikatave Evropiane, substancat reprotoksike janë substanca kimike që, nëse thithen, gëlltiten ose nëse depërtojnë në lëkurë, përbëjnë një kërcënim të rëndë për fertilitetin si te burrat ashtu edhe te grate. Për shkak të kësaj, të gjitha produktet që përmbajnë lilial tani do të ndalohen në vendet e BE-së, përfshirë Irlandën e Veriut, nga 1 mars 2022.
Pas daljes së Mbretërisë së Bashkuar nga BE (i njohur ndryshe si Brexit ), statusi ligjor i lilial në këtë vend është i ndryshëm nga ai i vendeve të BE-së. Shoqata e kozmetikës dhe parfumerisë (CTPA) ka konfirmuar se një ndalim në MB pritet së shpejti, por data nuk është caktuar ende. Vetë në rast se Olaplex nr.3 nuk do të ketë më këtë përbërës, do të rilejohet të tregohet. Ky produk shitet kryesisht në dyqane të tilla si Sephora dhe Ulta Beauty ka një kosto prej 26 paundësh.