Nuk ka qetësi përpara një skandali të madh qeveria spanjolle e kryeministrit Pedro Sanchez dhe patria e tij PSOE. Një zyrtar i lartë i Partisë Socialiste të Punëtorëve Spanjollë dha këtë të shtunë dorëheqjen, pas akuzave për ngacmim seksual nga disa punonjëse.
Francisco Salazar, i cili mbikëqyrte koordinimin institucional në rezidencën zyrtare të kryeministrit dhe së fundmi ishte emëruar në një rol kyç brenda strukturës organizative të PSOE-së, u detyrua të tërhiqej menjëherë pasi media spanjolle ‘elDiario’ publikoi dëshmitë tronditëse.
Ai vetë ka thënë se nuk e kujtonte asnjë sjellje të papërshtatshme, por pranoi se “e kishte shqyrtuar me shqetësim të thellë” situatën. Kurse Moncloa ka nisur një hetim të brendshëm, megjithëse nuk është dorëzuar ende asnjë ankesë zyrtare.