Mëngjesin e sotëm janë ndjerë të tjera lëkundje toke, kësaj here me epiqendër në Maqedoninë e Veriut.
Sipas Obserbatorit Seizmologjik pranë Fakultetit matematiko-natyrorë në Shkup, bëhet me dije se rreth orës 06:36 është regjistruar një tërmet me intensitet prej 2,8 ballëve sipas shkallës Riter. Tërmeti ka qenë me epiqendër në Kresnë të Pehçevës.
Dridhjet e tokës janë ndjerë në Delçevë, Berovë dhe Pehçevë. Po ashtu, këtë mëngjes ka rënë tërmet edhe në territorin grek, ku raportohet se ai ishte me magnitudë 4.5 ballë të shkallës Rihter.
Ndërkaq, kujtojmë se vetëm 2 ditë më parë një tërmet ra në Bosnje e Hercegovinë, lëkundjet e të cilit u ndjenë dhe në vendin tonë. Epiqendra e tërmetit me magnitudë 5.7 dhe thellësi 10 kilometra ishte në Stolac. Tërmeti i fuqishëm shkaktoi një viktimë, 26 vjeçaren Elmira Sefo dhe 2 të plagosur.