Kandidati republikan për president në Shtetet e Bashkuara, reagoi me kritika ndaj fjalimit të presidentit Joe Biden në Kongres. “Ligji i tij për emigracionin është i tmerrshëm. Do të bëjë që të hyjnë 5 mijë emigrant në ditë”, shkruan Trump në rrjetin e tij social, Truth.
Lidhur me situatën ndërkombëtare, ish-presidenti sulmoi kreun aktual të Shtëpisë së Bardhë duke e akuzuar se ka ndihmuar Iranin që të pasurohej.
“Është faji i tij që Lindja e Mesme po shpërthen. Me mua presidenti, Teherani ishte i falimentuar”, shkruan më tej Trump. Gjithashtu iu kundërpërgjigj Biden për raportet me Putin.
“Ai nuk i është kundërvënë Putinit, por i dha Ukrainën presidentit rus”, nënvizon ndër të tjera Trump.