Presidenti i SHBA, Donald Trump njoftoi sot se nuk ka asnjë shans për Meksikën dhe Kanadanë që t’i shmangeshin tarifave 25%.
Nga Shtëpia e Bardhë në një konferencë me gazetarët, Trump tha se veprimi i tarifave do të nisë nga dita e martë, 4 mars.
“Nuk ka vend për Meksikën apo Kanadanë”, tha Trump sot nga Zyra Ovale, kur u pyet nëse këto dy shtete fqinje do të shmangeshin nga tarifat, duke arritur një marrëveshje për frenimin e flukseve të fentanilit në SHBA.
“Tarifat, ju e dini, janë të gjitha të vendosura”, tha presidenti Trump. “Ato hyjnë në fuqi nesër”, vijoi ai.
Muajin e kaluar, Trump lëshoi një urdhër ekzekutiv duke aplikuar tarifa shtesë prej 25% për të gjitha importet nga Kanadaja dhe Meksika, me përjashtim të naftës dhe produkteve kanadeze të energjisë, të cilat do të përballen me një tarifë prej 10%.
Kanadaja është deri tani furnizuesi më i madh i huaj i naftës në SHBA, duke llogaritur rreth 60% të importeve të saj të papërpunuara.