Presidenti në largim i Shteteve të Bashkuara të Amerikës, Donald Trump, ka marrë vendimin më të fundit, ku ka vendosur shpalljen e gjendjes së jashtëzakonshme në DC përpara inaugurimit të Biden, shkruan Daily mail.
Bëhet me dije se policia ka zbukuar tre komplote të tjera për të sulmuar Kapitolin në ditët e ardhshme – duke përfshirë ‘protestën më të madhe të armatosur që do të zhvillohet ndodnjëherë në tokën Amerikane’.
Kjo lëvizje vjen ndërsa FBI paralajmëroi stafin e saj për kryengritje të mundshme në kryeqytetet në 50 shtetet përpara Ditës së Përurimit, veçanërisht nëse Trump hiqet nga detyra para se Biden të hyjë në Shtëpinë e Bardhë.
Deklarata e Trump lejon Departamentin e Sigurisë Kombëtare dhe Agjencinë Federale të Menaxhimit të Emergjencave të koordinojnë me autoritetet lokale pasi demokratët kishin kërkuar largimin e Trump.
Të hënën në mbrëmje, shefat e Policisë së Kapitollit i thanë Demokratëve të Dhomës se po shikonin në tre plane të ndara, përfshirë një të përshkruar si ‘protesta më e madhe e armatosur që ka ndodhur ndonjëherë në tokën Amerikane’.
Por më shqetësuesja thuhet se përfshin trazira të armatosura që rrethojnë Kapitolin dhe bllokojnë hyrjen e Demokratëve – duke i gjuajtur nëse është e nevojshme – në mënyrë që Republikanët të marrin komandën e qeverisë.