Yuscil Taveras, drejtues e menaxher i IT, i identifikuar si punonjës i Donald Trump në 4 dokumente ligjore, ka ndryshuar dëshminë e tij. Tani ai akuzon ish-presidentin e SHBA-së dhe dy ndihmës të tij për përpjekje për të fshirë pamjet e kameras së sigurisë, thonë prokurorët e çështjes.
Donald Trump akuzohet se pas largimit nga Shtëpia e Bardhë, ka marrë prej saj dhe ka fshehur në vilën në Florida, dokumente sekrete, sensitive dhe është përpjekur ta fshehë këtë krim, duke fshirë pamjet e kamerave të sigurisë, për të mos patur asnjë provë.
Taveras në dëshminë përpara gjykatës këtë mars vazhdimisht përsëriti se kurrë nuk i është kërkuar nga Trump apo njerëzit e tij që të fshijë pamjet e kamerave të sigurisë në Mar-a-Lago por tashmë e ndryshoi dëshminë e tij dhe akuzon drejtpërdrejt Donald Trump. Thotë se prej këtij të fundit i është kërkuar të fshijë çdo pamje ku duken kutitë e mëdha të mbushura me dokumente, brenda resortit luksoz.