Donald Trump shprehet i shokuar nga qëndrimi i Giorgia Meloni. “Nuk do që të ndihmojë në luftën tonë kundër Iranit”, tha ai në një bisedë telefonike për Corriere della Sera.
“Nuk dëshiron të përfshihet, mendon se SHBA duhet të bëjnë punën për të. Juve ju pëlqen fakti që kryeministrja juaj nuk po bën asgjë për të siguruar naftën? I pëlqen njerëzve kjo gjë? Nuk mund ta imagjinoj. Jam i tronditur nga ajo. Mendova se kishte guxim, por gabova,”përsëriti sërish shefi i Shtëpisë së Bardhë.
Komentet e Trumpit erdhi pas kërkesës së medias së njohur për një reagim të tij ndaj faktit që Meloni e cilësoi si të papranueshëm sulmin e Trumpit ndaj Papa Leonit XIV.
“E papranueshmja është ajo, sepse nuk i intereson nëse Irani ka armë bërthamore dhe nëse do t`i krijohej mundësia do ta hidhte në erë Italinë brenda dy minutave. Nuk dëshiron të na ndihmojë me NATO-n, nuk dëshiron të na ndihmojë me armën atomike. Giorgia Meloni nuk është më e njëjti person dhe Itali nuk është më i njëjti vend”, vazhdoi Trump, duke shtuar se “emigracioni po vret Italinë dhe të gjithë Europën”.
Vetëm një muaj më parë, në një intervistë tjetër për Corriere, ai e kishte quajtur kryeministren italiane “një mike të vërtetë dhe një lidere e madhe që gjithmonë përpiqet të ndihmojë”.
Meloni shprehu më herët solidaritetin e saj me Papën, dhe e bëri të qartë se nuk do të ndihejn rehat në një shoqëri ku udhëheqësit fetarë bëjnë atë që thonë liderët politikë.
“Jo në këtë pjesë të botës”, ishte komenti i saj.