Gjykata e Posaçme këtë të premte la në ”arrest në burg” Bujar Shegën, ku ai ka deklaruar se nuk ka lidhje me akuzat. Bujar Shega njihet ndryshe si ”truri financiar” i bandës së Suel Çelës. Ai u ekstradua ditën e djeshme nga Italia.
Ai akuzohet nga GJKKO për trafik drogë dhe pastrim parash në kudër të grupit të strukturuar kriminal.
Ndaj 52-vjeçarit është caktuar masa e sigurisë ‘arrest në burg’, për veprat penale “Trafikimi i lëndëve narkotike” dhe “Pastrimi i produkteve të veprës penale ose veprimtarisë kriminale”, kryer në kuadër të grupit të strukturuar kriminal.