Policia e Kosovës bastisi këtë të enjte shtëpinë e Vali Corleone nën dyshimet për “pastrim të parave”.
Kontrolli vjen pas publikimit të një video në “TikTok”, ku shfaqej i rrethuar me shuma të mëdha para, të cilat dyshohet se mund të jenë përfituar nga kryerja e veprave të ndryshme penale.
Për këtë ngjarje ka reaguar për Express Rozë edhe vetë Vali Corleone, i cili është shprehur se e gjitha ka ndodhur për shkaqe xhelozie dhe se posedon deri 1 milion euro cash.
“Njerëzit që më duan të mos shqetësohen sepse kjo nuk është e para herë që më vijnë në kontroll policia në shtëpitë e mija, por ky është ritëm i njëjtë 20-vjeçar. Ky ritëm i njejtë 20-vjeçar që më vijnë në kontroll policia pa asnjë arsye dhe fakt, kësaj here do të jetë më ndryshe, sepse ai prokuror i cili ka nënshkrua për me ardh te shtëpia ime për kontroll pa i shiku gjërat dhe elementet si janë real, ai prokuror do të dal para gjykatës, do e dërgojmë nëse është nevoja edhe në Gjykata të Evropës sepse më kanë thënë 100 mijë euro janë publiku në “TikTok” cash, por unë posedoj nga historia e bankës që posedoj deri në 1 milionë euro cash, me fakte. Është xhelozi e madhe që është duke u krijuar nga disa persona dhe një linjë, po ashtu më kanë shqetësuar mua dhe familjen time dhe tani familja është duke e bërë një kontroll te psikiatri nga nervoza dhe trauma që ua kanë shkaktuar kontrolla e Policsë, gjithashtu dhe unë do të mbledh gjithë historiatinë e bankës, elementet e psikiatrisë, gjërat e tjera dhe do të paditet në gjykatën më të lartë. Unë jam Kingi që 20 vjet shikojnë xhelozat mem rrëzu, por nuk kanë shans kurrë me arrit këtë në planetin Tokë – se une di edhe ndryshe, di edhe me kanun, faleminderit të gjithëve”, u shpreh Corleone.
Në momentin e kontrolleve, Vali Corleone nuk ka qenë në banesën e tij, por në Maqedoninë e Veriut.Gjatë kontrollit, policia ka sekuestruar disa kontrata noteriale në lidhje me shitblerjen e disa lokaleve dhe pronave, si dhe një telefon celular.