Njëjtë si shumë artistë të tjerë të njohur të estradës shqiptare edhe Tuna Sejdiu ka vendosur që përgjatë muajit janar të pushojë në një vend ku temperaturat janë të larta. Pak më parë këngëtarja ka publikuar disa foto të vogëlushit të saj, Tian, i cili ka pozuar përpara detit në Punta Cana.
Në këtë postim i vogli duket se ka veshur një këmishë verore dhe ka pozuar së bashku me disa shpendë dhe kafshë të këtij vendi turistik.
Tian shfaqet mjaft i qeshur dhe me siguri është duke kaluar pushimet më të bukura pranë familjes së tij. Kujtojmë se edhe Patrisi ka publikuar pak ditë më parë disa foto në një vend me dëborë së bashku me djalin. Mesa duket familja ka vendosur t’i shijojë të gjitha destinacionet këtë fillim viti.