Tyson Fury e ka pranuar sfidën e kampionit të botës në kategorinë e rëndë, Anthony Joshua, për të boksuar, pas fitores së britanikut kundër Wladimir Klitschko.
Joshua, i cili e fitoi me TKO kundër ukrainasit në raundin e 11 mbrëmë në Wembley, i bëri thirrje bashkëkombësit të vet, Fury, menjëherë pas ndeshjes që të boksojë kundër tij.
Fury e mposhti Klitschkon me pikë në nëntor të vitit 2015.
“Fury, ku je oj zemër?” tha Joshua në ring pas ndeshjes, duke vazhduar: “E di që ai ka kohë që flet, dua t’ua japë 90.000 personave [në Wembley] një rast për të na parë neve.”
Fury, i cili qëkur e mposhti Klitschkon nuk është ndeshur më në ring, iu përgjigj: “Eja të vallëzojmë.”
Megjithatë, ai mbetet aktiv në mediat sociale, ku edhe ka lënë të kuptohet se dëshiron të rikthehet në ring, bazuar në përgjigjet e tij në Twitter ndaj komenteve të Joshuas në ring.
“E pranoi sfidën,” shkroi Fury.
“Do t’ia dhurojmë botës luftën më të madhe në 500 vite. Do të ndeshem me ty. Ti je ëndrra e boksierit,” shkroi ai.
