Një burrë me origjinë shqiptare u vu në pranga nga policia italiane, pasi u gjet me 17 kilogramë kokainë.
Ai po udhëtonte me një makinë pranë Via Larga, por targat e klonuara e tradhtuan atë.
Shqiptari tentoi të arratisej, por shpejt përfundoi i aksidentuar. Policia e Bolonjës e arrestoi atë për sasinë e drogës, e ndarë në 16 pako brenda makinës.
Ajo që tërhoqi vëmendjen e policisë ishte pikërisht targa, nga e cila doli se ishte e falsifikuar.
Në përpjekje për t’iu afruar makinës nga hetuesit, shoferi arriti të largohej.
Pasi hyri në ambientet e qendrës tregtare, u përplas me dy makina, duke humbur kontrollin e automjetit dhe duke u përmbysur.