Sulmuesi portugez, Cristiano Ronaldo është liruar nga akuzat e ngritura nga Kathryn Mayorga për përdhunim.
Kathryn Mayorga ngriti një padi private përmes avokatëve të saj dhe deklaroi se ajo ra pre e një sulmi seksual nga Ronaldo në një hotel në Las Vegas në vitin 2009.
Megjithatë, një gjykatë në Nevada dhe gjyqtarja Jennifer Dorsey hodhën poshtë akuzat e saj.
Ronaldo i mohoi akuzat që në fillim dhe u pajtua me Mayorgan duke i paguar asaj shumën prej 375 mijë dollarësh. Megjithatë, ajo më pas kërkoi një shumë miliona dollarëshe me pretendimet se kishte pësuar trauma emocionale dhe se ishte nën presion në fillim për të pranuar ofertën e Ronaldos.