Një grua vietnameze e akuzuar për vrasjen e Kim Jong-nam, gjysmëvëllait të liderit të Koresë së Veriut është shpallur fajtore për një akuzë më të lehtë, atë të lëndimeve nga mjete potencialisht vdekjeprurëse.
Një gjykatë malajziane e dënoi Doan Thi Huong me tre vite e katër muaj heqje lirie, duke nisur që nga arrestimi i saj në shkurt të 2017-tës. Sipas ligjieve malajziane ajo mund të lirohet në maj, tha avokati i gruas.
Ajo mund të dënohej me vdekje nëse do të akuzohej për vrasje. Kim, gjysmëvëllai i Kim Jong-un, u vra në aeroportin e Kuala Lumpurit në 2017 me agjent nervor toksik.