Pedagogu Alket Dino që u arrestua sot në Korçë është Kordinator i LSI Korçë. Ai ka foto ku shihet krah presidenti Ilir Meta dhe përfaqësues të tjerë të kësaj force politike.
Pedagogu i fakultetit të Shkencave Sociale në universitetin “Fan Noli”, është arrestuar ditën e sotme pasi merrte para në këmbim të dhënies së provimeve. Në pranga ka rënë edhe Xhevi Dervishi 35 vjeç, i cili luante rolin e sekserit, ndërmjetësit mes studentëve dhe Dinos.
Arrestimi i tyre është bërë pranë Fakultetit, teksa i janë gjetur edhe një sasi prej 300 eurosh dhe 50.000 lekë, të cilat nga hetimet e kryera dyshohet se i kanë përfituar në mënyrë të kundërligjshme nga studentët, të cilat u sekuestruan në cilësinë e provës materiale.
