U arrestua në Turqi, Prokuroria dërgon kërkesën për ekstradimin e Licit. I vëllai: Do të kërkojë azil

Prokuroria e Shkodrës i ka përcjellë materialet Ministrisë së Drejtësisë bashkë me kërkesën për ekstradimin e Ibrahim Licit. Ai u arrestua javën e kaluar në Turqi, lidhur me vrasjen e Endri Mustafës, dhe familjarët pretenduan se i shumëkërkuari u vetëdorëzua. Pritet që ministria e Drejtësisë, t’i drejtohet shtetit turk me kërkesën zyrtare të ekstradimit. Hamza Lici, vëllai i Ibrahim Licit deklaroi nga Turqia se ky i fundit nuk është arrestuar nga policia, por është vetëdorëzuar me qëllim për të kërkuar azil në shtetin turk, për shkak se nuk ndihet i sigurtë në Shqipëri.