Besnik Berisha, avokati i Valdrin Sahitit, ka reaguar pas lajmeve se stilisti ishte arrestuar nga autoritetet turke pasi u kap me drogë në aeroport.
Ai shprehet se Valdrini ka vijuar rrugën normalisht pasi është ndaluar për kontroll dhe ka pasur vetëm një keqkuptim me çantën të cilën e kishte harruar në aeroplan.
“Nuk është e vërtetë që ai është arrestuar e aq më pak që është paraburgosur. Përkundrazi ai ka vijuar rrugën normalisht dhe keqkuptimi lidhur me çantën e tij që e kishte harruar në aeroplan është sqaruar me autoritetet turke dhe nuk ka asnjë çështje të ngritur kundër tij në shtetin e Turqisë dhe aq më pak për posedim të paautorizuar të substancave narkotike siç është raportuar”, sqaroi Berisha.