Një fermer nga Uganda , i cili ka 102 fëmijë dhe 568 nipër e mbesa nga 12 gra, ka vendosur të ndalojë shtimin e pjesëtarëve të familjes së tij.
67-vjeçari Moussa Hasahia u ka kërkuar tani grave të tij që të përdorin kontraceptivë pasi nuk mund të përballojë më shpenzimet.
“Të ardhurat e mia po bëhen gjithnjë e më të vogla me kalimin e viteve për shkak të rritjes së kostos së jetesës dhe familja ime po bëhet më e madhe. Po martohesha me gra të ndryshme njëra pas tjetrës. Si mund të jetë i kënaqur një mashkull vetëm me një grua”, tha ai sipas The Sun.
Hasahia dhe familja e tij jetojnë në Lusaka, Ugandë, ku poligamia është e ligjshme. Ai tha se të gjitha gratë e tij jetojnë në të njëjtën shtëpi, kështu që ai mund t’i “shikojë” ato, duke i ndaluar të kenë marrëdhënie me burra të tjerë.