4 turistë gjermanë kanë mbetur të bllokuar këtë të hënë në vendin e quajtur “Kanioni i Langaricës”.
Ata kanë qenë duke eksploruar me këmbë zonën, por janë bllokuar për shkak të rritjes së nivelit të ujit në lumin e Langaricës, nga reshjet e shiut.
Menjëherë pas marrjes së njoftimit, uniformat blu janë nisur në drejtim të zonës, ku kishin mbetur të bllokuar turistët.
Fatmirësisht është bërë e mundur nxjerrja e 4 turistëve nga terreni i vështirë ku ishin bllokuar, të cilëve, më pas, u është ofruar asistenca mjekësore.