Mimoza Kristo quhej 49-vjeçarja që u gjet pa shenja jete këtë të mërkurë midis fshatit të Gozhdarazhdës ku ajo banonte dhe Podës.
Sipas bluve, vdekja e gruas nuk është shkaktuar nga dhuna fizike.
Ajo humbi kontaktet me familjarët në datën 20 Maj. Sipas dëshmive të të afërmve të saj në polici, Kristo vuante nga probleme të shëndetit mendor.
Ndërkohë Policia po punon për zbardhjen e plotë të rrethanave të ngjarjes.
Njoftimi:
Në vijim të informacionit të datës 21.05.2023, që bënte fjalë për largimin nga banesa të shtetases M. K., 49 vjeçe, sqarojmë se:
Më datë 24.05.2023, shtetasja M. K., e cila vuante nga probleme të shëndetit mendor, është gjetur e pajetë, në zonën midis fshatrave Podë dhe Gozhdarazhdë. Nga këqyrja paraprake e trupit të viktimës nuk janë konstatuar dëmtime fizike.
Pritet ekspertiza mjeko-ligjore për të përcaktuar shkakun e vdekjes.
Grupi hetimor po punon për zbardhjen e rrethanave të ngjarjes.