Policia britanike ka vënë në pranga një 36-vjeçar me origjinë shqiptare, si një prej të dyshuarve kryesor për vrasjen e mësueses Sabina Nessam 150 metra larg shtëpisë së saj.
Ai u gjet dhe u kap brenda shtëpisë së tij në Eastbourne, pasi policia e zbuloi adresën e banesës në qytetin bregdetar, përmes targave të makinës.
Shqiptari tani është personi i tretë i mbajtur në paraburgim, ndërsa një 41-vjeçar dhe një 38-vjeçar po hetohen në gjendje të lirë.
Fqinjët e shqiptarit të dyshuar për vrasjen e vajzës së re, u shprehën se ai ishte gjithmonë një njeri qetë.
“Ai është një person shumë i qetë, ai kurrë nuk flet. Shpërndan porositë e ushqimeve me makinën e tij.”, tha dikush.
“Ai është shqiptar. Unë nuk e kam parë atë për një muaj. Ai hynte në dyqan për të rimbushur telefonin dhe pajisjen elektrike.”, tha një tjetër.
Arrestimi i 36-vjeçarit, është bërë pas njoftimit të policisë se pranë vendit ku ndodhi ngjarja e rëndë u pa duke kaluar një automjet.
Në pamjet e videos shfaqet një burrë, pa flokë, i cili në dorë mban një objekt të kuq në dorë, teksa përpiqet t’a fshehë nën mëngë.