Futbollisti spanjoll Pablo Mari ishte një nga pesë të plagosurit në sulmin që ndodhi në një supermarket Carrefour nga italiani Andrea Tombolini, ku mbeti i vrarë një person.
Mari ka reaguar nga spitali. Mbrojtësi i huazuar te klubi italian Monza, iu nënshtrua një operacioni sot për të rikuperuar dy muskuj të dëmtuar në shpinë dhe do të qëndrojë në spital për tre ditë.
Në një postim në “Instagram”, futbollisti shkroi: “Pas momentit të vështirë që përjetuam dje, si familja ime dhe unë duam të komunikojmë se për fat të mirë jemi të gjithë mirë dhe duam të falënderojmë të gjithë për mesazhet e mbështetjes dhe dashurisë që ne po marrim…Përveç kësaj, ne dëshirojmë t’i dërgojmë ngushëllimet tona familjes dhe miqve të personit të ndjerë dhe sinqerisht urojmë që të gjithë të lënduarit të shërohen sa më shpejt.”