Agravohet situata me nxënësit e helmuar nga konsumimi i ushqimebve të shpejta në shkollën e Postribës.
Shumë prej të miturve janë rikthyer në Urgjencën e Spitalit të Shkodrës pasi gjendja e tyre është përkeqësuar.
Prindërit e nxënësve shprehen se simptomat e fëmijëve të tyre janë kryesisht dhimbje barku dhe të vjella duke bërë fajtor “Fast-Foodin” e ngritur krah shkollës.
Ndërsa njëri prej nxënësve ka pohuar se dhimbjet i kanë nisur menjëherë sapo ka konsumuar sanduiçin në orarin e pushimit. Brenda dy ditëve të fundit, rreth 50 fëmijë të shkollës “Adem Haxhia” në Postribë janë paraqitur në urgjencën e spitalit. ISHP-ja dhe policia kanë nisur hetime duke marrë fillimisht në pyetje punonjësit e fast food-it.