Zbulohet mesazhi i fundit pak para se të kryente aktin e rëndë të vetëvrasjes, të Xhino Koçës, i riu që u hodh nga spitali “Shefqet Ndroqi” ku ishte shtruar pasi kishte rezultuar pozitiv me COVID-19. 29-vjeçari nga Durrësi i ka kushtuar familjarëve të tij të dashur fjalë zemre, ndërsa shprehet se ka shkuar përtej limiteve të tij.
Ai shkruan se nuk ka fjalë që të përshkruajë dhimbjen që ndjen dhe atë çka do iu shkaktoi atyre me aktin që do të ndërmerrte. Mes të tjerash i riu heq përgjegjësinë nga stafi mjekësor për atë çka do t’i ndodhte atij.
Kujtojmë se ngjarja e rëndë ndodhi më 13 gusht të këtij viti, teksa i riu ishte duke u trajtuar në Sanatorium, pasi kishte rezultuar pozitiv me COVID-19. Xhino u hodh nga kati katërt i këtij spitali, në kushte të rënduara psikologjike.
MESAZHI I FUNDIT
Kaq ishte dhe për mu! Ju du shum të gjithve, me gjith shpirt, mami, babi, Kriseli, Robin, Inen, Hana, Kena, Voni, Kejdi, Egi, Sushin, pucin. Nuk ka fjalë me përshkrujt dhimbjen që ndjej për dhimbjen e shkaktoj por ju betohem se shkova përtej limiteve të mia shumë e shumë here. S’do tregohesha kurrë egoist duke iu mërzitur juve por u tejkalua çdo lloj limiti. Ju përgjërohem mos e hidhni jetën tutje. Le t’ju marri malli dua t’ju shikoj të lumtur. Një ditë do ritakohemi. Ju du pa fund. Se harrova flm sepse kryesisht kam pasur një jetë të bukur të lumtur. Faji nuk është i asnjeriu!!! Nuk kishte vend me të mirë për tu kuruar në kushtet që isha pavarësisht çfarë thonë mjekët sepse unë e njoh veten dhe ne shtëpi do ishte bërë edhe më keq”.