Një foto që ka qarkulluar së fundmi në rrjet e ka kthyer Taynën në qendër të vëmëndjes së mediave rozë. Në të, këngëtarja shihej krah një mashkulli misterioz në Zvicër.
Në fillim u përfol shumë se djali misterioz mund të ishte partneri i saj. Por reperja shqiptare ka sqaruar gjithçka lidhur me këtë situatë.
Përmes një postimi në “Instastory” artistja shihet me Dj Dagz dhe djalin me të cilin u fotografua. “Kapet Tayna me dy meshkuj misterioz”, ka shkruar reperja duke ironizuar lajmet e fundit. “Vërtet menduat se zbuluat diçka”, shkruan ajo krahas një emoji duke qeshur.
Kujtojmë se në intervistën e saj të fundit që dha për mediat në Kosovë, reperja tregoi se ishte single.
