Këngëtari Besart Kelmendi, i njohur si Gjesti, është arrestuar të mërkurën në Prishtinë nën dyshimin për armëmbajtje pa leje.
Sipas Policisë, ish-fituesi i BBVA u ndalua rreth orës 15:00 në rrugën “Mehmet Isahi”. Pas arrestimit, Gjesti është marrë në pyetje nga policia.
Në koordinim me Prokurorin e Shtetit, ai është dërguar në qeli për 48 orë, ndërsa hetimet për rastin po vazhdojnë.
“Sot, rreth orës 15:00, në rrugën “Mehmet Isahi” në Prishtinë, Policia ka arrestuar një person të dyshuar për armëmbajtje pa leje. I dyshuari është intervistuar dhe në koordinim me Prokurorin e Shtetit, është dërguar në mbajtje për 48 orë”, thuhet në njoftimin e Zyrës për Informim në Policinë e Kosovës.