Policia italiane ka vënë në pranga dy shqiptarë pasi janë kapur duke shpërndarë drogë. Arrestimi i tyre u bë këtë të diel në zonën e via Papirias në Itali.
Të dy shqiptarët, të cilët janë rreth të 40-ve dhe ishin rezidentë me dokumenta të rregullta në Itali, u pikasën nga autoritetet italiane për lëvizjet e tyre të dyshimta. Madje ata ishin mjaft të njohur në trafikun e drogës.
Kështu, agjentët e skuadrës së lëvizshme të policisë italiane u vendosën në ndjekje të dy shqiptarëve. Ata ishin frekuentues të rregullt të jetës së natës dhe shfrytëzonin lokalet e pub-et e zonës për të shitur drogën, bëjnë me dije mediat italiane.
Sakaq, policia italiane thekson se me nisjen e sezonit të ri të verës rritet edhe konsumi i drogërave, kryesisht në lokalet e natës.