E ftuar sot në emisionin e mëngjesit “Wake Up” Ilda Bejleri veç të tjerave ka folur edhe për largimin nga Super Sport dhe konfliktin me Shakohoxhën.
Ajo tha se i pëlqen të eksperimentojë dhe se nuk po e gjente më veten aty dhe kjo ishte arsyeja e largimit të saj.
Gjithashtu ajo foli edhe për marrëdhëniet me komentatorin Dritan Shakohoxha ku sqaroi se nuk ka patur konflikt real me të, por e këshillon që të gjejë vetën pasi sipas saj ai është një nga ata njerëz që Ilda nuk ia kupton rolin që ka.
“Unë nuk kam pasur konflikt real me Shakohoxhën. Në 11 vjet nuk e kam pyetur për asgjë. Vazhdon seriali, ‘burrat urrejnë gratë’. Ai është një nga ata njerëz që nuk ia kuptoj rolin që ka; një herë si menaxher, një herë si brigadier, një herë si komentator. Shpresoj që të gjejë veten një herë”, është shprehur Bejleri paksa me ironi.
Nga këtu e kuptuam shumë mirë si shkojnë vërtetë ata të dy.