Një grua ka humbur 113 mijë paund nga një mashtrues me të cilin u takua në një “dating site”.
Rachel Elwell, nga West Midlands, tha se burri me të cilin ajo komunikonte dhe i cili pretendonte se jetonte pranë saj, i kishte thënë se i duhej të udhëtonte në Ukrainë për një kontratë inxhinierie.
Përmes dokumenteve dhe fotografive, ai e bindi atë që ta ndihmonte me para. 50-vjeçarja tha se nuk kishte asnjë garanci për kthimin e parave.
I pyetur pse i besoi një burri që nuk e kishte takuar kurrë, ajo u shpreh: “Kur ai më tha se jeta e tij ishte në rrezik dhe nuk merrja vesh asgjë prej tij, mendova se e kishin vrarë. A mund ta imagjinoni ndjenjën e përgjegjësisë nëse dikush jeton apo vdes?”
Zonja Elwell tha se nga fotografitë ai dukej një njeri i bukur dhe se pëlqenin të njëjtat gjëra.
Në një prononcim për mediat, e ëma deklaroi se Elwell është një person i mirë dhe e ndershme.
“Është shkatërruese e gjitha kjo që i ka ndodhur asaj, ka punuar kaq shumë gjithë jetën e saj.”