Ish-banori i “Big Brother VIP”, Kristi Lamaj, ishte i ftuar ditën e sotme në “Fan Club” ku ka folur për përjashtimin e tij nga programi, pas daljes për herë të tretë nga muri. Ai u shpreh se kjo ishte mënyra e vetme që të dilte i pastër nga loja e banorëve aty brenda, që u shpreh se nuk po i pëlqen.
“Shtëpi magjike, kushte të jashtëzakonshme dhe ishte një nga ato momente të jashtëzakonshme. Mendoj që është cikël jetësor edhe ajo që ndodh në BBV. Nuk mendoja se kishte një ndasi, të jetuarit aty dhe mënyra se si do të luaje ishte pa ndarje. Të ndërton më shumë si njeri, të ndërton më shumë për jetën.
Unë dhashë jetën aty, ka një lindje dhe një vdekje. Në përfundim shpresoj që të mbahen mend. Nuk pretendoj të dal i larë në flori nëse zhytësh në llum. Kjo ishte mënyra që të dilja i larë në flori”, tha Kristi Lamaj.
“Çdo gjë që e kisha menduar brenda edhe jashtë ishte njësoj. I vetmi ndryshim që gjeta kur dola jashtë ishte Kristi. Kristi kishte ndryshuar totalisht një dashuroi e pafund. Mbushesha gati në të qarë.
Kur shikoja atë dashuri ishte komplet ndryshe. Është një nga eksperiencat më të bukura të jetës, të rrit, të përmbush, të mëson skutat… t’i kesh gjërat nën kontroll, të ndërton më shumë si njeri dhe të përgatit në jetë”, tha ai.
Nga ana tjetër ai zbuloi edhe se si ka qenë reagimi i familjarëve të tij, pasi u përjashtua nga Big Brother VIP.
“Hera e parë ishte pse, donin të dinin pse. Ka disa gjëra që merren me vete. Disa gjëra do t’i marr me vete. Kam takuar mamin dhe vëllain mbrëmë sapo nisi prime, kur erdhën në prime. Se nuk kisha as çelësa shtëpie asgjë, kam qëndruar tek shoqëria”, u shpreh ish-banori i BBV”, u shpreh Kristi Lamaj.