Dosja e atentatit të Milotit, ku mbeti i vrarë Klisman Preçi dhe u plagos Ylli Brahimi është marrë në dorë nga SPAK.
Edhe pse fillimisht ishte Prokuroria e Kurbinit ajo që nisi hetimet duke e klasifikuar atë si një atentat të kryer nga një grup kriminal, tashmë dosja është marrë në dorëzim nga Prokurori i SPAK Altin Dumani.
I plagosuri Brahimi është një emër i njohur dhe për policinë, ndërsa njihet si mik i Ervis Martinajt.
Bashkë me mikun e tij, ai udhëtonte me një makinë të blinduar, ndërsa ra pre e atentatit, por fatmirësisht arriti t’u mbijetonte plumbave.
Dy janë pistat që po heton aktualisht policia, ajo e një hakmarrjeje të mundshme ose ajo e prishjes së pazareve në aktivitet e tyre kriminale kohëve të fundit.
Preçi (viktima) bashkë me kushëririn e tij Blerim Preçi i shpëtuan një atentati pak kohë më parë teksa udhëtonin me një Benz ML dhe u qëlluan nga një “Audi” e zezë.