Deputeti Adriatik Alimadhi shprehet se ka kaluar një kohë të vështirë, ku “mendonte se virusi do ta vriste, por fatmirësisht ia doli”.
Ai shprehet se nuk e di se ku e marrë virusin, por “beson se në Kuvend ka pasur deputetë të prekur nga virusi” dhe se statistikat e të prekurve janë më të larta, por një pjesë e madhe e kanë kaluar në këmbë pa e kuptuar.
“Ditët e para i kalova në shtëpi pasi mendova se ishte grip, por pastaj fillova të rëndohesh dhe të kisha bllokim frymëmarrje dhe më çuan me urgjencë në spital. Nga urgjenca më pas u shtrova pasi rezultova me covid, mu bë tamponi e ma pas skaneri. Edhe sot ka njerëz që më ndalojnë dhe më pyesin, ore vërtet e kalove covid-in ti?” Besoj se ka pasur deputetë të tjerë me covid të prekur dhe një pjesë e mirë e shqiptarëve mund ta kenë kaluar në këmbë. Mendoj se ka pasur një statistikë më të madhe me numrin e të prekurve, por varet si të kap sëmundja, mua më kapi kështu dhe e pagova më shtrenjtë”, tha Alimadhi.