Altin Sulku është një ndër këngëtarët e njohur të muzikës së zhanrit popullore. I ftuar tek emisionit ‘Why Not’ me Roza Latin, Altin Sulku ka rrëfyer se arsyeja e shkëputjes nga tregu muzikor ka qenë e dashura, pasi kjo e fundit kishte probleme shëndetësore.
“Unë në atë kohë nuk isha shpirtërisht tek muzika, por tek ai njeri që kishte problemet e veta”, është shprehur ai. Më tej këngëtari ka shtuar se ka qenë Noizy, kushëriri i tij që e bindi të rikthehet në muzikë dhe e ka shtyrë që të merret me atë që ai di të bëjë më mirë, të këndojë. “Unë e kam thënë dhe e them vazhdimisht që Noizyn, e kam djalë daje, ka qenë një shtysë e madhe.
Kur do bënim klipin e parë ishim rrugës për Kosovë, do ta xhironim atje. Rrugës i them, dëgjo, unë kot po merrem, më mirë të iki diku jashtë, se tani ka ndryshuar stili. Çfarë thua më tha? Ti e ke zërin shumë të mirë. Ti do këndosh zhanrin tënd, jo hip hop. Mbështetjen time do e kesh gjithmonë dhe shiko Çfarë do bësh pas nja 2-3 vitesh. Duhen 2-3 vite punë”, ka përfunduar Altin Sulku. /Intv/