Lajmi i ditës së premte në median rozë ishte ai i largimit të Renato Mekollit nga programi “Hell’s Kitchen”, për të cilin autorja e programit tha se kishte arsye personale, duke prezantuar dhe zëvendësuesin e tij.
Alsi Sinanaj erdhi direkt nga Greqia për të prezantuar emisionin në vijim, ndërsa ndjekësit kanë bombarduar Renaton me pyetje për arsyen duke i kërkuar që të rikthehet. Por ja çfarë përgjigjet ai.
“Nuk e kuptoj si mund të ma kërkoni të rikthehem,jeni ju ata që nuk më keni dashur dhe më keni sharë çdo herë në Hell’s Kitchen !”- ka thënë Renato, duke lënë të kuptohet se nuk po mendon një rikthim.
Por mesa duket gjithçka ka qenë e rremë. Pasi në një postim pas emisionit Renato thotë se gjithçka ka qenë gënjeshtër, pasi Renato do të vijojë të jetë pjesë e emisionit.
“Ndjesë për tërheqen e vëmendjes tuaj, si dhe një falenderim të veçantë fansave jo vetëm të mij por edhe të “Hell’s Kitchen” që ju shqetësova me lajmin e sotëm… Mos u shqetësoni sepse unë do të vazhdoj të jem pjesë e këtij formati televiziv në Topchannel të cilin e kam sjell vetë dhe e dua shumë… tek secili nga ne ekziston një Djall… Hell’s Kitchen to be continued…
@alsi_sinanaj faleminderit shumë që ishe me ne 😘
Djalli im i mirë @zefinahasani si thua? Të kthehemi në normalitet ?”, shkruan shefi më i njohur i kuzhinës në Shqipëri.