Dialogu Kosovë -Serbi është ende një temë delikate, pasi nga dy palët nuk është arritur akoma një marrëveshje.
Ndërkohë sëfundmi ish-Këshilltari për SiguriNë Kombëtare i presidentit amerikan Donald Trump, John Bolton, ka folur mbi çështjen e ndarjes së kufijve mes Kosovës dhe Serbisë dhe kush e bëri i pari këtë propozim.
Ai ka pranuar se ka qenë i informuar për këtë çështje, për të cilën u shpreh se ishte ide e presidentit të Kosovës Hashim Thaçit dhe homologut të tij serb Aleksandër Vuçiç edhe pse se nuk përmendi emra.
Gjithashtu Bolton ka treguar edhe frikën e disa vendeve të BE-së që të pranonin ndarjen e Kosovës, teksa ka përmendur impaktin dhe tentativat e Rusisë për të pasur ndikim në Ballkan. Ish-zyrtari i lartë i Pentagonit e ka konsideruar dështim mosarritjen e zhvillimit të takimit të nivelit të lartë në Washington më 27 Qershor, por për të, palët kanë humbur vetëm një fotografi pasi asgjë nuk do arrinin.
“Nuk ka qenë ideja ime shkëmbimi i tokave, janë liderat e Kosovës dhe Serbisë që e kanë kërkuar. Mendoj se kisha ndikim se mendoja se duheshin marrë disa hapa në Ballkan dhe Europën Lindore, e para për të ulur implikimin dhe ndikimin rus duke u përpjekur që ata të sillnin aromën e Luftës së Ftohtë. në radhë të parë ishte Ukraina në rrezik, së pari të flisja me Bjellorusinë që të mos abstrogohej nga një Rusi e Madhe. Polonia dhe Bjellorusia ishin me mua. Në Ballkan thashë se rreziku mbetej me mosmarrëveshjet e pazgjidhura, tokë pjellorë për dikë që do të mund të krijojë konflikte. Rezoluta për emrin e Maqedonisë ishte arritje e madhe. Mendova të shikonim që të bënim një progres në Kosovë. Takimi në Uashington mes Serbi mes Kosovës nuk prodhoi marrëveshje, unë qëndrova nga jashtë.
Që në 2018 pati ndikime mbi Serbinë e Kosovën. Liderët e Serbisë dhe Kosovës donin t’i zgjidhnin këto çështje mes tyre, se nuk mund të kishte zhvillim ekonomik me mosmarrëveshje. Shumë kontraverse brenda dy vendeve. Një nga gjërat që do të diskutonim ishte këmbimi i tokave, por në Ballkan dhe Europë u prit me kundërshtime se kishin frikë se një shkëmbim tokash atje mund të ndodhte edhe në Europë gjetkë. Kjo ka ndodhur në histori, diçka me të cilën duhet ta pranoni. Nëse Kosova dhe Serbia do kishin arritur marrëveshjen, dhe do të ishte një pjesë e saj ndërrimi i tokave, dhe një pjesë e BE do ishte kundër dhe do e kundërshtonte vallë? Kjo nuk do ndodhte. James Beker dikur pati thënë se vetëm palët mund të marrin vendime, ne jemi të gatshëm t’ju ndihmojmë.”- ka thënë Bolton.
Kujtojmë se në një muaj më parë kur delegacioni i Serbisë dhe ai i Kosovës pritej të takoheshin në Uashington për dialogun, i dërguari i Trump në Kosovë, Richard Grenell tha aso kohe se ideja e këmbimit të territoreve ishte e John Bolton. Burimi: N1