Një aksident ka ndodhur mesditën e sotme në në bulevardin “Gjergj Fishta” në Tiranë, ku si pasojë është plagosur një grua 63-vjeç.
Blutë e kryeqytetit thonë se “në afërsi të Urës së Drejtorisë Vendore të Policisë Tiranë,një mjet ende i paidentifikuar ka aksidentuar shtetasen E.GJ , 63 vjeçe , e cila ndodhet nën kujdesin e mjekëve, jashtë rrezikut për jetën.”
Shërbimet e Policisë kanë shkuar menjëherë në vendngjarje dhe së bashku me grupin hetimor po vijojnë punën, për identifikimin dhe kapjen e mjetit që ka shkaktuar aksidentin.
“Dritare.net” shkroi e para se makina që e ka përplasur i përket moderatores, Ilda Bejleri, por nuk dihet nëse ishte ajo duke e drejtuar mjetin.
Sipas burimeve të tyre thuhet se Ilda është larguar pas aksidentin me makinën tip “BMW X5”. Kanë qenë makinat e tjera ato që i kanë dhënë ndihmën e parë 64-vjeçares.
Lajmi ka bërë bujë në media dhe pas kësaj, moderatorja e sportit ka reaguar për “Iconstyle.al” duke e mohuar lajmin.
Ajo thotë se është totalisht i rremë dhe në këtë mënyrë i hedh poshtë të gjitha.