Arbër Bako u ther në burgun e Koridhalos në janar të këtij viti nga një shqiptar dhe një grek. Mediat greke raportuan se urdhrin për ekzekutimin e tij e dha “Mafia e Burgjeve” në Greqi, e drejtuar nga shqiptarët.
Bako ka qenë pjesë e grupit të shqiptarëve të përbërë nga Klodian Lekoçaj, Olti Duçe, Brahim Brahimi dhe të tjerë, të cilët sipas mediave greke merreshin me “punë speciale” që ua kërkonte greku Aristidhes Floros. Ky i fundit ishte akuzuar nga prokuroria për një mashtrim qindra milion euro në dëm të shtetit grek dhe gjatë gjyqit donte të frikësonte avokatin që përfaqësonte palën akuzuese, pikërisht Mikhali Zafiropulos.
Sipas policisë, në zyrën e Zafiropulos shkuan Brahim Brahimaj dhe Aleksdandër Mata, ndërsa rol pati edhe Olti Duçe. Avokati i famshëm grek u vra me një plumb në zyrën e tij, i cili i përshkoi mëlçinë.
Duket se vrasja e Arbër Bakos ka bërë që të gjithë pjesëtarët e grupit të akuzojnë atë për krimet e ndodhura më parë duke thënë se Klodian Lekoçaj, i cilësuar nga mediat greke si koka e “Mafies së Burgjeve” në Greqi, të dalë i larë.
Mediat greke kanë publikuar sëfundmi dëshmitë e tyre.
Në dëshminë e tij, Brahim Brahimaj, i cilësuar si ushtari i Lekoçajt dhe i akuzuar për therjen e Arbër Bakos në janar tha: Nuk donim ta vrisnim, thjesht ta frikësonim që mesazhi të çohej siç duhej. Klodian Lekoçaj nuk ka asnjë lidhje me këtë vrasje. Urdhrin për të shkuar tek avokati na e dha Arbër Bako.
Ndërkohë, vetë Klodian Lekoçaj shprehet: Nuk mund të them se jam krejtësisht i pafajshëm pasi kam bërë disa prapësi, por unë jam dënuar për ato që kam bërë. S’kam të bëj aspak me vrasjen e Zafiropulos. Arbër Bako më ka ngatërruar kot emrin pas krahëve. Ishte fati i tij i keq që plumbi i qëlloi në mëlçi.
Lekoçaj tha gjithashtu se ishte Bako ai që ishte marrë vesh me biznesmenin grek Aristidhes Floros për të vrarë avokatin tjetër George Antonopoulos, i cili shpëtoi, raporton Albeu.com.
“Vrasja nuk u krye dhe paratë nuk u paguan siç ishte marrë vesh Bako me Florosin”, vijon Lekoçaj.
Prokuroria dyshon se në burgjet greke operon një grup mafioz i drejtuar nga shqiptarët që “mbyllin punët” e biznesmenëve grekë edhe prej qelive përmes urdhrave që u japin jashtë ushtarëve të tyre.
Lexo edhe:
Shqiptari në Koridhalo: Ju tregoj për vrasjen e Arbër Bakos dhe rolin e “kreut…
Albert Bako u vra nga bashkëatdhetari i tij, autori tregon arsyet