Armand Mici, i riu i cili u gjet i djegur mbrëmjen e kaluar në mjetin e tij, kishte blerë pak minuta më parë në një karburant 13 litra benzinë. 32-vjeçari është filmuar nga kamerat e sigurisë duke i thënë punonjësit se makina e tij nuk kishte me karburant.
Ai kishte lënë derën e shoferit dhe derën e pasagjerit të hapura çka e orientoi policinë drejt pistës së vetëvrasjes. Po ashtu mësohet se janë këqyrur kamerat e sigurisë në terren, ku shihej Mici në karburant. Nga verifikimi i targës së makinës policia identifikoi viktimën dhe mori në pyetje familjaret e tij të cilët treguan se prej 20 ditesh 32-vjecari kishte shfaqur shenja depresioni dhe qëndronte i mbyllur në vetvete.