Liljana Buzo 54-vjeç mbeti viktimë e plumbave që u gjuajtën në drejtim të saj nga bashkëshorti, Koço Buzo.
E ndjera është qëlluar me breshëri sapo doli nga gjykata e Elbasanit ku po zhvillonte një seancë për divorcin që kishte nisur me personin që i mori jetën pasditen e sotme.
Ndërkohë policia ka mundur që të vërë në pranga autorin e krimit 58-vjeçarin Koço Buzo. Ky i fundit plagosi gjithashtu edhe dy persona të tjerë për të cilët thuhet se janë jashtë rrezikut për jetën.
Mësohet se viktima ka lënë pas tre fëmijë, një vajzë 26-vjeçare si dhe dy djem, 20 dhe 18-vjeçar.
