Yjet e Shqipërisë janë të gjithë në mbrojtje. Ky është konkluzioni që del po të shohësh renditjen e lojtarëve sipas sistemit të vlerësimit të UEFA-s, e cila në faqen e saj zyrtare bën përllogaritjet pas çdo ndeshjeje të përfaqësueseve të bilancit të çdo lojtari, duke ndërtuar një klasifikim të përgjithëm për kompeticionet e saj.
Sipas renditjes aktuale, e cila është vazhdimësi e eliminatoreve të kaluara, lojtari më i mirë i Shqipërisë është Ardian Ismajli me 620 pikë. Mbrojtësi ka rezistuar në këtë pozicion edhe pse nuk ka luajtur në ndeshjet e fundit të përfaqësueses dhe nuk do ta bëjë këtë gjë as ndaj Lituanisë për shkak dëmtimi. Ai që mund t’i kërcënojë vendin e parë është një tjetër mbrojtës, Berat Gjimshiti me 573 pikë, i ndjekur nga Frederik Veseli me 515 pikë.
Lojtari i parë që i përket një reparti që nuk është mbrorjtja, është Odise Roshi, i cili mban vendin e katërt në renditjen e përgjithshme të futbollistëve të Shqipërisë sipas parametrave të UEFA-s. “Rezerva e luksit “ e përfaqësueses shqiptare ka 493 pikë dhe nëse vazhdon me këto ritme, shumë shpejt mund të jetë në podium. Pas krahëve të tij është një tjetër lojtar që ka shpërthyer në edicionin e kaluar me kuqezinjtë, Keidi Bare, i cili ka 490 pikë. Ndërsa vendi i 6 i shkon një tjetë lojtari që mungoi në këtë gurmbullim, Ledjan Memushajt, i cili në renditjen e UEFA-s ka regjistruar 459 pikë.
Sokol Çikalleshi është i 7-I në këtë renditje me 429 pikë të gurmbulluara, duke qenë sulmuesi më i mirë shqiptrar sipas këtij kalsifikimi të UEFA-s i cili merr për bazë statistikat individuale të futbollistëve gjatë ndeshjes sipas pozicioneve që kanë në fushë.