Ditët e fundit, Bjellorusia ka nisur stërvitjet ushtarake në shkallë të gjerë dhe kjo lëvizje shihet si një kërcënim potencial për t’u përfshirë në luftën në Ukrainë, duke patur parasysh se ajo është një aleat i ngushtë i Rusisë.
Sipas Ministrisë së Mbrojtjes së Bjellorusisë, stërvitjet përfshinin testimin e mjeteve të ushtrisë së saj për gatishmërinë luftarake, por shtoi se stërvitja nuk përbën kërcënim për fqinjët.
Por nga ana e saj, Ukraina nuk e përjashtuar mundësinë e përfshirjes së forcave bjelloruse në luftë.
“Ne nuk përjashtojmë që Federata Ruse mund të përdorë territorin e Bjellorusisë, Forcat e Armatosura të Republikës së Bjellorusisë, kundër Ukrainës. Prandaj, ne jemi gati,” deklaroi zëdhënësi Andriy Demchenko.