Zëvendëskryeministri ukrainas ka paralajmëruar sot se megjithëse faza e parë e evakuimit të Sumy-t ka filluar, Rusia po “përgatitet ta pengojë procesin.”
Qendra për Komunikime Strategjike dhe Siguri të Informacionit në Ukrainë tha se megjithëse Ministria Ruse e Mbrojtjes ka rënë dakord zyrtarisht për korridorin humanitar, Irina Vereshchuk ka paralajmëruar: “Pala ruse po përgatitet të ndërpresë punën e korridoreve humanitare dhe të manipulojë rrugën për të detyruar njerëzit të shkojnë në anën tjetër.”
Kujtojmë se sot është rënë dakord për një korridor humanitar për evakuimin e civilëve, përfshirë studentët e huaj, nga Sumy në Poltava. Ministria ukrainase e Punëve të jashtme i ka bërë thirrje Rusisë që të mbajë premtimin e saj për armëpushim, “të përmbahet nga aktivitetet që rrezikojnë jetën e njerëzve dhe të lejojë dërgimin e ndihmave humanitare.”
A humanitarian corridor to evacuate civilians, including foreign students, from Sumy to Poltava has been agreed today. We call on Russia to uphold its ceasefire commitment, to refrain from activities that endanger the lives of people and to allow the delivery of humanitarian aid. pic.twitter.com/W6ArLPKtBq
— MFA of Ukraine 🇺🇦 (@MFA_Ukraine) March 8, 2022