Ukraina nisi valë sulmesh me dronë që synonin impiantet e energjisë dhe rafinerive në rajonin e Moskës dhe Tverin fqinj, duke shkaktuar zjarre, ndërsa dhjetëra dronë u shkatërruan në pjesë të tjera të vendit.
Mbeturinat e dronëve shkaktuan zjarre në rafinerinë e naftës në Moskë dhe në termocentralin Konakovo në rajonin e Tverit, një nga prodhuesit më të mëdhenj të energjisë në Rusinë qendrore.
Sipas Kremlinit njësitë ruse të mbrojtjes ajrore kanë shkatërruar 158 dronë të nisur nga Ukraina gjatë natës, duke përfshirë nëntë mbi Moskë dhe rajonin përreth saj. Forcat ukrainase gjithashtu u përpoqën të godisnin edhe termocentralin Kashira në rajonin e Moskës me tre dronë por nuk dëme apo viktima si rezultat i sulmit.
Ministria e Mbrojtjes tha se 46 dronë u shkatërruan mbi rajonin kufitar të Kursk, 34 mbi Bryansk, 28 mbi Voronezh dhe 14 mbi rajonet e Belgorod.Nga ana tjetër Rusia ka bërë përparime vetëm disa kilometra drejt qyteti ukrainas i Pokrovsk, një qendër logjistike e rëndësishme e përdorur nga ushtria ukrainase.
Qendra e një stacioni kryesor hekurudhor dhe rrugëve kryesore, Pokrovsk është një pikë thelbësore furnizimi dhe përforcimi për trupat e Ukrainës në vijën e frontit lindor. Kritikët në Kiev kanë frikë se ushtria e vendit ka bërë një llogaritje të gabuar serioze. Duke dërguar trupa në Kursk në vend të përforcimit të vijës së frontit lindor, ushtria ka lënë të ekspozuar Pokrovsk dhe qytete të tjera të rëndësishme ukrainase, thonë këta kritikë.
Ndërkohë, përparimi i ofensivës historike të Ukrainës në territorin e Rusisë është ngadalësuar ndjeshëm javën e kaluar. Forcat e Kievit kanë marrë 1,294 km katrorë territor brenda Kurskut, duke përfshirë 100 vendbanime dhe kanë kapur 594 ushtarë rusë.
Mes të tjerash Presidenti ukrainas Volodymyr Zelensky ka bërë thirrje Shteteve të Bashkuara për të lejuar që Kievi të godasë objektivat ushtarake thellë brenda territorit rus.
Zelensky tha se bombat vranë gjashtë persona dhe plagosën 97 në Kharkiv të premten si dhe më shumë gjatë sulmeve të së shtunës. Këto mund të shmangeshin vetëm “duke goditur aeroportet ushtarake ruse, bazat e tyre dhe logjistikën e terrorit rus”.
Duke iu drejtuar Shteteve të Bashkuara, Britanisë, Francës dhe Gjermanisë, ai tha se Ukraina ka nevojë për të mbrojtur vërtetë dhe plotësisht vendin dhe ukrainasit.