Aktualisht, niveli i ujit në Liqenin e Fierzës ka rënë në 279 metra mbi nivelin e detit, ndërsa prurjet e ujit janë rreth 50m3/sec.
Kjo rënie vjen si pasojë e mungesës së reshjeve dhe temperaturave të larta që shpeshherë tejkalojnë 30°C. Rënia e nivelit të ujit është me disa metra krahasuar me periudhat normale të vitit.
Kjo situatë rrezikon të ndikojë drejtpërdrejt në sistemin energjetik të vendit, duke rritur nevojën për import të energjisë elektrike, një kosto që nuk mund të shmanget në kushtet aktuale hidrike.