Gatë vitit të pandemisë janë regjistruar 17,473 martesa, nga 22,415 gjatë vitit 2019-të, duke pësuar një rënie kështu me 22%. Nga ana tjetër koeficienti bruto i martesave për viti 2020 regjistrohet në 6.2 martesa për 1,000 banorë, ndërkohë që gjatë vitit 2019 ky tregues regjistrohej në 7.9 martesa për 1,000 banorë.
Vlera më e lartë koeficientit bruto të martesave është arritur në Lezhë, me 8.0 martesa për 1,000 banorë, ndërsa vlera më e ulët është arritur në qarkun e Tiranës, me 5.2 martesa për 1,000 banorë. Lezhën e ndjek në renditje qarku i Dibrës, me 7.0 martesa për 1,000 banorë dhe Berati , me 6.9 martesa për 1,000 banorë. Koeficienti bruto i martesave, për qarkun e Lezhës, krahasuar me vitin 2019-të, ka rënë me 3.3 martesa për 1,000 banorë dhe është rënia më e lartë nga të gjithë qarqet. Nga ana tjetër, për Tiranën, ky tregues ka ndryshuar me gati 2.2 martesa për 1,000 banorë.
Numri më i madh i martesave për vitin 2020 është regjistruar në qarkun e Tiranës, me 4,739 martesa, megjithatë për këtë qark numri i tyre ka rënë me 17.6%, krahasuar me vitin 2019-të. Në të gjitha qarqet e Shqipërisë vërehet rënie e numrit të martesave, por rënien më të madhe e ka regjistruar qarku i Vlorës, me gati 32%, ndjekur nga Lezha, me 30,2%. Nga ana tjetër qarku me numrin më të ulët të martesave është qarku i Gjirokastrës, me 364 martesa, ndërsa rënien më të ulët e ka shënuar qarku i Korçës, me 15.1% martesa më pak në 2020-ën.