Mustafa Nano është bërë shpesh pjesë e mediave për deklaratat e tij kritike apo ironizuese ndaj personazheve të njohur, apo rreth temave të cilat janë gati-gati tabu dhe të cilat ngjallin edhe provokime të shumta në publik.
Përveç emisionit të tij, ai u ”rikthye” me deklaratën e radhës në shfaqjen e tij “One Man Shoë”, dedikuar tërësisht marrëdhënieve seksuale. Gazetari u shpreh se është “gay”. “Unë jam gay. Për herë të parë e provova me Mariglenin në Skrapar”, ka thënë ai.
Por, mesa duket, gazetari e ka thënë këtë gjë vetëm për të bërë shoë. Gjithashtu, gjatë monologut të tij të gjatë në skenë, ai foli edhe për aftësitë e burrave në shtrat.
Nano tha: “Ngordhalaq në shtrat. Gratë, mund të kenë 4-5- 6 orgazma, brenda së njëjtës dalldi. Ne burrat nuk jemi ato bishat seksuale që dukemi”.
Natyrisht që në këtë shoë ai kishte spektatorët VIP në sallë, artistë e politikanë që e ndoqën me kureshtje në këtë monolog të gjatë, mes të cilëve edhe ata profesionistë të teatrit si; Robert Ndrenika, Kiço Londo, Gaz Paja, Salsano Rrapi etj.
Paparazzi i “Panorama Plus” fotografoi edhe politikanë në sallë për të ndjekur Muç Nanon, mes të cilëve; Nora Malaj e Lajla Përnaska, të cilat e dëgjuan me veshët e tyre deklaratën ngacmuese të Nanos, kur mes rreshtave tha: “Unë jam gay”./panoramaplus/
