Kryetari i PD-së Lulzim Basha shfrytëzoi praninë e mediave ndërkombëtare për të dhënë mesazhin e tij se kjo është qeveria e krimit. Në fjalimin e tij Basha tha se beson te demokracia amerikane, dhe zgjedhjet e lira.
“Dua këtë mesazh të parë tua them miqve tanë, ne nuk jemi populli i dhunës po jemi populli i lirisë, demokracisë. Jemi populli i Shqipërisë, e ardhmja evropiane e vendit”, tha Basha.
Në fjalimin e tij tha se ky rrugëtim që nisi me bashkimin e mbarëshqiptarëve, do të vazhdojë pandërpreë deri në largimin e qeverisë. Rama ik! thoshte Basha herë pas here, duke e krahasuar Ramën me Maduron në Venezuelë.