Nata e Ndërrimit të Viteve ka bërë që Qendra Kombëtare e Urgjencave Mjekësore të jetë mjaft e angazhuar duke i ardhur në ndihmë shqiptarëve të cilët kishin shqetësime. Të shumtë ishin qytetarët që telefonuan për të kërkuar ndihmë.
“Gjatë natës së vitit të ri kemi pasur mbi 1200 telefonata nga qytetarët, kryesisht për probleme të intoksikimit etilik, ku nga këto janë kryer mbi 300 vizita në shtëpi pra misione shpëtimi”, shprehet Lejdi Kazazi, mjek në Qendrën Kombëtare të Urgjencave Mjekësore për Top Channel
Nga të dhënat e QKUM-së këtë vit rezulton i dëmtuar nga fishekzjarrët vetëm një person ndërkohë që nuk kanë munguar as probleme të tjera.
“Përveç alkoolit kemi pasur edhe raste të problemeve kardiake, ndërkohë që një rast me traumë në gishta është dërguar në spitalin ushtarak për ndihmë mjekësore”, shprehet mjeku Kazazi.
Gjithashtu u është dhënë ndihmë disa të lënduarve në 2 aksidente rrugore, ndërsa për një urgjencë në një zonë të thellë është përdorur edhe helikopteri.