Ish-deputetja e Partisë Demokratike Albana Vokshi denoncon një situatë të rëndë në urgjencën e QSUT-së, ku sipas saj qindra pacientë presin me orë e orë të tëra pa marrë asnjë shërbim mjekësor e që ulërasin nga dhimbjet e forta. Përmes një postimi në Facebook, Vokshi deklaron se miliona euro çdo muaj që shkojnë PPP për oligarkë e klientë të qeverisë por asnjë shërbim për qytetarët.
Postimi i Vokshit:
Për këdo që ka një hall me një të sëmurë këto ditë, #urgjenca e #QSUT është shndërruar në një tmerr pa fund.Qindra pacientë që presin me orë e orë të tëra pa marrë asnjë shërbim mjekësor; që ulërasin nga dhimbjet e bërtasin duke kërkuar shërbim. Një shtrat është kthyer në një dëshirë të paarritshme. Nuk ka as karrike për pacientët që përfundojnë ulur në shesh. Injeksionet dhe analizat e gjakut në rastin më të mirë bëhen në karrike, duke rënkuar nga dhimbjet që nuk kurohen.Miliona Euro cdo muaj që shkojnë PPP për oligarkë e klientë të Qeverisë, por asnjë shërbim për qytetarët. Kjo eshte shendetesia #falas e Edi Ramës!